【《青雲路》訪問】書籍設計的位置

撰文_ 曾志恒
攝影_ 劉宇軒(部分圖片由被訪者提供)

Y1265.007

Y1265.0072

當你踏入書店,看到一本書時,吸引你拿起它會是書名?包裝?作者?又是甚麼促使你將它買回家呢?俗語說人靠衣裝,其實書亦需要靠包裝,作為書藉包裝,作為書藉設計師的陳曦成,認為好的書藉設計能加添讀者閱讀的樂趣,也是增加書藉銷量的好方法。曦成表示香港的書藉設計能加添閱讀的樂趣,也是增加書藉銷量的好方法。曦成表示香港的書藉設計很有發展的潛力,在出版業應佔有一個重要的位置。

不少人會認為書籍設計師的工作是設計封面,但這只是一部分,曦成說:「一本書其實有六面,設計師要思考點利用呢啲空間去傳意,設計上包含字體、字形大細、行距、紙質、選色及排版等各個方面;另外,仲要講求實際,好似文字嘅排列對於閱讀過程嘅影響好大,要考慮本書嘅讀者群主要係咩人,如果係年紀大嘅讀者,字型就唔可以太細。」

曦成是一名書藉設計師,也是香港理工大學設計學院書籍設計課程的客席講師。這三年來,他曾與三聯書店(香港)、天窗出版社、香港理工大學賽馬會創新設計院、香港設計大使、文化葫蘆、信和藝術等不同機構合作,設計書籍,「構思設計前我會先閱讀文本,然後同編輯及作者溝通,一開始會有個製作預算,我要喺預算內盡量發揮,另外定價都會係一個考慮因素,好似一本全彩色厚二百頁嘅書,售價至少要$120或以上。」

讀大學奠下基礎

在香港理工大學修讀視覺傳達設計系期間,奠定曦成對書籍設計的熱愛,「讀書時對攝影、動畫、廣告、排版、字體設計等都有涉獵,發覺自己對中英文嘅Typography及書籍設計最有興趣。加上帶我嘅教授 Esther Liu係擅長書籍設計,我嘅Final Year Project做咗有關中文字體及書嘅設計,亦令我想成為書籍設計師。」

2006年大學畢業後,曦成獲得同年的 YIC青年設計才俊大獎及獎學金,去了英國的倫敦藝術大學坎伯韋藝術學院修讀書籍藝術,「書藉藝術係利用書本製作出藝術品,同書藉設計唔同,但有助我對書嘅美感展現有更多了解。」

2007年,修畢書籍藝術的曦成,留在倫敦做平面設計的工作,期間他寫了《英倫書藝之旅》,成為香港三聯與新鴻基舉辦「第二屆年輕作家創作比賽」的得獎作家,得到出版機會,「文本同書藉設計都由自己操刀,算係一次難得嘅實踐機會。」

自由身發揮大

2011年,曦成回港後,找到全職書籍設計師的工作,工作了 3年半,他想與更多不同的機構及作者合作,於是變成了自由工作者,「之前打工,同上司可能會各有睇法,有時要作出退讓,或者重新做過令雙方都滿意嘅作品。做咗幾年,想自己接工作,自由度會較大,搵我嘅機構都係鍾意我嘅作品,所以合作都幾順利,有更大嘅發揮空間。」

修讀書籍藝術,讓曦成更善於利用書本的各個空間,「好似設計《老舍之死:口述實錄》時,我將老舍嘅愛好抽煙及寫作印喺書口,書首採用模仿老舍投湖前,喺湖邊凝望湖水到逐漸閉起雙眼嘅相,再回到文本,就有啲倒敘嘅感覺。另外喺《京劇六講》上,喺書角加咗京劇動作嘅連環圖,加深人對京劇嘅認識。」《老舍之死:口述實錄》讓曦成獲得「香港設計師協會環球設計大獎 2013」( HKDAGDA)書籍設計類優異獎。

好的設計增加銷量

曦成認為好的書藉設計可以令一本書變得吸引,從而增加書本的銷量,「曾經設計過一本《吃掉社會:走出廚房看世界》,本書講述食物與社會學嘅關係,出版社最初評估呢本書較專業性,銷量未必太好,而我將本書遊戲化,好似將食物設計成可愛Icon,成本書以黃黑色作主調,好似芒果雪糕,甜甜地吸引讀者,最後出嚟第一版係賣晒要再版,可以話好過預期。」

2015年,曦成獲邀到香港理工大學設計學院擔任客席講師,教授書籍設計課程,「設計系嘅教授搵我開班教書藉設計做選修科,我覺得係一個唔錯嘅機會,其實返嚟香港後,我一直有搞手縫記事本工作坊,同出席講座,目的係想令更多人明白咩係書藉設計,香港係有發展書藉設計嘅潛力,只係大家未了解,我希望可以藉教育,令大眾及出版社都明白書藉設計有一定嘅位置。」

編輯阿丁(格子盒工作室出版社):

「之前有留意曦成嘅作品,覺得佢設計幾靚,我搵咗佢合作設計《書店日常》,好欣賞佢將啲相變晒湖水綠色,本身啲相唔係專業攝影師影,色水唔係太靚,但經曦成一變,不但掩蓋當中嘅問題,仲增加咗小清新嘅氣息。」

【後記】外表美麗

曦成表示自己是一個愛買書的人,「去旅行時見設計靚嘅書就會買返香港,雖然搬運行李時會重好多,但有時真係忍唔住買。」其實記者也是一個愛買書的人,見封面靚就買回去,但觀察所得,外觀設計得好的小說,內容未必好看,作者應多謝用心設計書本的人,起碼吸引到記者買多一本書。

Advertisements

0 Responses to “【《青雲路》訪問】書籍設計的位置”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




Contributor

Hei Shing
chanheishing@gmail.com

書就是… A Book is…


一片紙不但表現時間,也表現空間。而一片片的紙張組合起來的書就是一個高深的容器,盛滿文字,既能從中不斷汲取智慧,又能裝入無限的智慧。

A piece of paper reflects not only time but also space. Books are formed by binding papers together to become containers of words that serve as a reservoir as well as a spring of wisdom.

April 2016
S M T W T F S
« Mar   Jun »
 12
3456789
10111213141516
17181920212223
24252627282930

  • 124,286

%d bloggers like this: